Nýir blautpokar og eitt trix...

Við vorum að fá í sölu blautpoka í tveimur stærðum. Þeir eru frábærir til að hafa með sér í töskunni ef þú ætlar að skipta um túrnærbuxur annars staðar en heima. Þá seturu notuðu buxurnar í blautpokann og skolar við fyrsta tækifæri. Pokarnir eru líka sniðugir til að hafa í sundtöskunni svo allt verði ekki blautt.


Blautpokarnir koma í tveimur stærðum og kosta 1990 og 2890. Við minnum á fría heimsendingu þegar verslað er fyrir 8500 eða meira.

Við hjá Modibodi erum alla daga að tala við fólk um píkur og blæðingar og heyrum alls kyns sniðug ráð. Eitt sem við heyrðum og langar að deila kemur frá einni mömmu sem á ungling sem fer á blæðingar. Unglingurinn fer í túrnærbuxur með mikilli rakadrægni (til dæmis þessar) og setur líka taubindi inn í buxurnar áður en hann fer í skólann og hefur blautpoka meðferðis. Taubindi fást til dæmis hér og hér. Í kringum hádegi er kominn tími til að fjarlægja bindið og þá geta buxurnar tekið restina af blóðinu þar til unglingurinn fer heim. Með þessu sleppur unglingurinn við að taka með sér aukabindi eða túrnærbuxur í skólann.

Fyrir þau sem hafa minni blæðingar gæti sama ráð hentað fyrir lengri tíma. Til dæmis unglingur sem fer í skóla og strax í íþróttir eftirá gæti notað taubindið í skólanum og buxurnar eingöngu seinni partinn.


Older Post Newer Post


Leave a comment

Please note, comments must be approved before they are published