Breytingar á heimsendingu

4. maí, dagurinn sem við höfum verið að bíða eftir er runninn í garð. Börnin fá nú að fara í leikskólann og við fullorðna fólkið erum að færa heimaskrifstofuna og lagerinn aftur í Sambúðina. 2020 hefur tekið nokkuð á, við byrjuðum á röð flensa og svo verkfalli leikskólastarfsfólks og þar næst Covid-19. Við í Modibodi teyminu eru endalaust þakklát fyrir þolinmæði gagnvart alls konar mistökum sem við gerðum á þessum tíma og finnst við eiga besta viðskiptavinahóp í heimi! Á meðan það var lokað í Sambúðinni gátum við ekki boðið upp á að sækja pantanir þangað og keyrðum þess vegna sjálf út á höfuðborgarsvæðinu. Okkur fannst mjög vel tekið í það svo nú þegar við erum búin að opna aftur höfum við ákveðið að endurskoða möguleika í heimsendingu. Héðan í frá er hægt að fá litla pakka sem innihalda einar eða tvær nærbuxur senda heim með Póstinum fyrir einungis 500 kr. Þetta eru pakkar sem komast inn um venjulegar póstlúgur. Engir bikarar komast inn um venjulega lúgu og því falla þeir ekki undir þennan valkost. Auk þess lækkuðum heimsendingargjald fyrir sendingar undir 10.000 kr. úr 1200 kr.  í 1000 kr. Það er ennþá frí heimsending fyrir allar pantanir yfir 10.000 kr. og hægt að velja að sækja í Sambúðina. 

Sækja í Sambúðina	Frítt
Lítill pakki sem kemst inn um lúgu	500 kr.
Pakkar undir 10.000 kr.	1000 kr.
Pakkar yfir 10.000 kr.	Frítt